Goodreads helps you keep track of books you want to read.
Start by marking “ويسترن يونيون فرع الهرم: ديوان بالعامية المصرية” as Want to Read:
ويسترن يونيون فرع الهرم: ديوان بالعامية المصرية
Enlarge cover
Rate this book
Clear rating
Open Preview

ويسترن يونيون فرع الهرم: ديوان بالعامية المصرية

by
4.22  ·  Rating Details ·  5,110 Ratings  ·  702 Reviews
.....ويسترن يونيون فرع الهرم ديوان بالعاميه المصريه


الديوان من الداخل مقسم الي ثلاثة اجزاء...الجزء الأول قصائد مهداه "لله"... والجزء الثاني مهدى "للوطن"..... والثالث "للزحمه" بمعناها الحسي والمعنوي


أما اهداءات الديوان ف جاءت كالتالي

إهداء إلى أمي....اللي عرّفتني ع الكتب وبعدين معرفتنيش
إهداء إلى بحر إسكندرية اللي نفذ الجريمة الكاملة
إهداء إلى أختي مها بالدم....و لبقية أخو
...more
Paperback, 1st, 96 pages
Published January 24th 2011 by دار ميريت للنشر
More Details... edit details

Friend Reviews

To see what your friends thought of this book, please sign up.

Reader Q&A

To ask other readers questions about ويسترن يونيون فرع الهرم, please sign up.

Be the first to ask a question about ويسترن يونيون فرع الهرم

Community Reviews

(showing 1-30)
filter  |  sort: default (?)  |  Rating Details
Hend Aboul Gada
Oct 21, 2011 Hend Aboul Gada rated it really liked it  ·  review of another edition
ديوان اكتر من رائع
قصايدة تحفة
حتى الاهداء مالوش حل:

إهداء إلى أمي....اللي عرّفتني ع الكتب وبعدين معرفتنيش
إهداء إلى بحر إسكندرية اللي نفذ الجريمة الكاملة
إهداء إلى أختي مها بالدم....و لبقية أخوتي ف الهم
إهداء إلى أبويا اللي بالصدفة البحتة يبقى أخو أمي
وأول من آمن بي من الرجال
إهداء إلى مصر قبل الفجر بس
إهداء لكل الولاد اللي جابتهم مصر قبل ماتمشي في البطال
إهداء لأحمد العايدي اللي بيخليني اتكسف من نفسي
إهداء لهشام اللي بيخليني اشك ف نفسي
إهداء لنجلاء اللي بخلّيها تشك ف نفسها... و ف كل حاجه
إهداء لمعتز رفيق ا
...more
بسنت الصاوي
Mar 21, 2011 بسنت الصاوي rated it it was amazing
كتاب عظيم بكل ما تحمله الكلمة من معاني
مفيش كلام يوصفه ف هسكت !
مصطفي سليمان
Jul 12, 2011 مصطفي سليمان rated it really liked it
حقيقي بدرجة مرعبة
يخليك تحسه انه صحبك
او اخوك
قاعد معاك علي القهوة وبيتكلم معاك
بيحكي
مش تحسه شعر ولا ديوان
ولا اي شئ من التعقيدات
دي
الكلام بسيط وسهل وواضح
مفهوش التعقيدات الغريبة المريبة
مكتوب بروح اليومين
بجد يستحق القرايه بشدة
:)))
أسما حسين
Mar 18, 2011 أسما حسين rated it it was amazing
كتاب من 5 فى حياتى خدتهم فى حضنى وأنا نايمة .. كتاب بتنفسه .. وبيعرف يبقى صاحبى
ياسمين ثابت

بقالي شهر بادور على الكتاب ده
من كتر الطلب عليه
وكل يوم في الشهر ده اقرا كلمات بسيطة لمصطفى ابراهيم واقول معقول
في حد في السن ده يكون بالعبقرية دي

كام قصيدة عجبتني؟
لا السؤال هنا كام قصيدة ماعجبتنيش؟؟
لانه مفيش
لما قريتلك يا مصطفى
حسيت اني باعيش
نفسي من تاني
واللي ليا واللي ماليش
مع اني حذرت نفسي كتير
اخلي كلامك مايوجعنيش
وبرضه خلص الكتاب في دقائق
مع اني تمنيت كتير انه ماينتهيش

وخليتني اكتب شعر في الريفيو ده انت معدي
تصميم الغلاف ده رائع جدا واحلى من اللي فات


description

Mohammed-Makram
Mar 11, 2015 Mohammed-Makram rated it liked it
Shelves: poetry
طالما قرأت المانيفستو قبله يبقي اكيد مش هيعجبني العجب.
بس الديوان حلو حقيقي

نفسي أسمع نكتة حلوة
مسمعتهاش قبل النهاردة
و أضحك لحد ما بطني تقفش
و حاشتم اللي يقوللي اهدا
و تكون قبيحة مفيش مشاكل
أو حتى تودي ف شناكل
أصل اللي زيي شارب و واكل
م الحزن لما قلبه صدا
Noura
May 01, 2011 Noura rated it it was amazing
تعديل الريفيو
قرأته لحد دلوقتي "7" مرات .. بقى رفيقي ف السفر :D
كل ما بسافر أي مكان باخده معايا وكل مرة بكتشف معاني جديده غير اللي حسيتها قبل كدا

----

ولأنه جالي بعد معاناه شديده
وزنّ ع المكتبه لمدة شهرين :)
كنت مستنياه كأني مستنيه حد مسافر ... ونفسي اشوفه :D
كان نفسي اقراه كامل وامسكه بأيدي كدا
عجبني فيه حاجات كتير أوي عجبني صياغته للشعر العامي واستخدامه كلماتنا ... وازاي بيعبر عن حاجات جوانا بأسلوب بجد رائع
بجد ماشاء الله
مصطفي ابراهيم ... شابوه ^_^
Shereen Mohamed reda
Dec 05, 2012 Shereen Mohamed reda rated it really liked it
مش هقول رائع وجميل وهايل وانه حاجة مش تخضع للمنطق بتاع النقد وكدة لانه ببساطة يتحب علطول:) لأن كل الريفيوهات اللي قبلي قامت بالواجب اصلا!
ــــــــ
للأسف من صغر سني
علتي..بزهق قوام
ابتدي واسخن لكني
بعد فترة أبرد وانام
كله في الاول بميل له
وكله في الاخر بملّه
حتي لو كان شئ فاضله
خطوة واحدة ع الختام
ـــ
عيشوا المشاهد..كل مشهد..
زي ما يكون الاخير..
واشبعوا ساعة الوداع..
واحضنوا الحاجة بضمير..
دا اللي فاضل مش كتير
اللي فاضل ..
مش كتير..
ـــ
أنا نقطة مية في حنفية
أخرتها تعيش في الحوض ساعة
أنا مهما الرحلة تطول بيا
أخرتها ه
...more
eman
May 18, 2013 eman rated it really liked it
لما ديوان يبقى اهدائه كالتالى

إهداء إلى أمي....اللي عرّفتني ع الكتب وبعدين معرفتنيش
إهداء إلى بحر إسكندرية اللي نفذ الجريمة الكاملة
إهداء إلى أختي مها بالدم....و لبقية أخوتي ف الهم
إهداء إلى أبويا اللي بالصدفة البحتة يبقى أخو أمي
وأول من آمن بي من الرجال
إهداء إلى مصر قبل الفجر بس
إهداء لكل الولاد اللي جابتهم مصر قبل ماتمشي في البطال
إهداء لأحمد العايدي اللي بيخليني اتكسف من نفسي
إهداء لهشام اللي بيخليني اشك ف نفسي
إهداء لنجلاء اللي بخلّيها تشك ف نفسها... و ف كل حاجه
إهداء لمعتز رفيق الدوّامة ..
...more
Mohamed Shady
Aug 14, 2013 Mohamed Shady rated it really liked it
للأسف من صغر سنى..
علتى بزهق قوام..
أبتدى واسخن لكنى..
بعد فترة أبرد وأنام..
كله فى الأول بميل له..
وكله فى الآخر بملّه..
حتى لو كان شئ فاضله ..
خطوة واحدة على الختام ..


نفسى اسمع نكتة حلوة..
مسمعتهاش قبل النهاردة ..
واضحك لحد ما بطنى تقفش..
وحشتم اللى يقولى إهدا..
وتكون قبيحة مفيش مشاكل..
أو حتى هتودى فى شناكل..
أصل اللى زيى شارب وواكل..
م الحزن لما قلبه صدا ...
بلال طه
Mar 11, 2012 بلال طه rated it it was amazing
Shelves: read-in-2012, شعر
شعر عامي من النوع الذي يصل لقلوب الشباب ومتصل بعصرهم الحالي

ومن القصائد اللي عجبتني "كانت هتفرق في الوداع ".ش


لو بس كنت ساعتها عارف....

إن دي المره الاخيره....

.....ميه ميه
كات حتفرق ف الوداع....

كنت هحضن سندس اللي ف تانيه تالت ع المشاع...

واحنا طالعين م اللجان...

بعد اخر امتحان...

و اسألها لو بتشوف فلان

طب فاهمه مادة ميس ايمان؟

طب ينفع ابقي اجيلكوا عادي ؟

قصدي يعني البيت يساع؟

لو بس كنت ساعتها عارف....

إن دي المره الاخيره....

.....ميه ميه

كات حتفرق ف الوداع....

كنت يومها أكيد حبيّت...

عند جدي ف شقته...

ن
...more
Mai Fathy
Mar 26, 2011 Mai Fathy rated it liked it
Shelves: 2011
مابين 3 نجوم و 3.5 يتأرجح تقييمى للديوان

نبدأ بقى من الأول خالص
لان البداية تستحق التوقف عندها
الى امى...اللى عرفتنى على الكتب وبعدين معرفتنيش
:)

الإهداء قصيدة لوحده
عجبنى جدا..ودايما بتصور ان الاهداءات لازم تكون بالتفرد دا وإلا بلاش احسن

القصائد بينها تفاوت فى زمن كتابتها واضح
وخصوصا لما اقرأ قصائد عبقرية وناضجة زى
الانسان اصلة بالونة

كات هاتفرق ف الوداع

المفضلة عندى من ساعة ما قرأتها فى نوت وحتى بعد ما خلصت الديوان

عيب خطير نبهتنى له صديقتى تسنيم اللى الهدتنى الديوان وضايقنى فعلا لما بدأت القراية
وهو ط
...more
Rinda Elwakil
Mar 17, 2014 Rinda Elwakil rated it really liked it

الأولـة .. أرزاق
والتانيـة .. أسماء
والتالتة .. بشتاق

الأولـة .. أرزاق مفيش حيلـة ولا سكّـة ..
والتانيـة .. أسماء عيال بتحب ع الدكّـة ..
والتالتة .. بشتـاق لطعم الفرح والضحكـة ..

الأولـة .. أرزاق مفيش حيلـة ولا سكّـة غير المكتوب ..
والتانية .. أسماء عيال بتحب ع الدكّة وراسمـة قلوب ..
والتالتة .. بشتاق لطعم الفرح والضحكة يا شيخ أيوب ..

الأولة .. أرزاق مفيش حيلة ولا سكّة غير المكتوب مقسّمِ كلّه بالحتـة ..
والتانية .. أسماء عيال بتحب ع الدكّة وراسمة قلوب لكل الخلق إلا إنتـا..
والتالتة .. بشتاق لطعم
...more
Muhammad Samir
بدايةً: فرحان اني كان عندي حق لما قولت في ريفيو عن ديوان المانيفستو..
إن مصطفى إبراهيم، هو شاعر جيلنا وثورتنا.. ديوان ويسترن يونيون فرع الهرم أثبتلي كده، وحسّيت معاه بكل كلمة قالها.. ساعتها تجلّى كلام الشاعر نجيب سرور قدامي لما قال: الشِعر مش بس شِعر لو كان مقفّى وفصيح.. الشِعر لو هزّ قلبك وقلبى، شِعر بصحيح، وشِعر مصطفى إبراهيم كله بالعاميّة، مش بالفُصحى. بس كلامه بيلمس القلب بطريقة كأنه بيلعب على أوتار الوجع. وعشان كده، هو شِعر بصحيح.

مصطفى بدأ ديوانه تقريباً بـ 32 إهداء، منهم إهداء لفيلم الكيت ك
...more
Mohamed El-Attar
.

بعد ما قريت ديوان المانفيستو
مصطفى ابراهيم اتطور كتير جدا عن الديوان ده
عرف يعمل الشكل الشعرى بتاعه ، ويحط نفسه فى قصايده حتى الفلسفية منها
عرف يحدد ملامح اللى عاوز يكتبه ، وشكل الشعر اللى بيكتبه
فى الديوان ده كان متأثر بشكل كبير جدا بأحمد فؤاد نجم
ومنها على سبيل المثال لا الحصر قصيدة " حصر مصر " حتى قفلتها
كانت جملة من الجمل الشعرية لعم أحمد فؤاد نجم
" للعيال اللى جابتهم .. فى الحلال الست مصر "
مش عيب طبعاً انك تتأثر بشاعر كبير .. لكن الممتاز انك تخرج بره التأثر ده
وتعمل لونك انت وشعرك انت
وده عمله مصطف
...more
Abdul-rahman Salem
Apr 01, 2011 Abdul-rahman Salem rated it it was amazing
Shelves: favorites
مصطفى إبراهيم شاعر عبقري!
يستحق بجدارة إنه يكون بيرم العصر الجديد .. !


بس كده ..

مهما قعدت أمدح في الكتاب فمش هوفيه حقه

القصائد اللي عجبتني أوي:

- ويسترن يونيون
- الانسان أصله بالونة
- أكتر كمان
- كانت هتفرق في الوداع


.....
شريف ثابت
Mar 31, 2012 شريف ثابت rated it it was amazing
لست من هواة الشعر ولا صبر لى على قراءته أو حتى الاستماع إليه اللهم إلا أعمال الأسماء العظمى أمثال صلاح جاهين ونجم وحجاب وإلى حدٍ ما عبد الرحمن يوسف فى الفترة الأخيرة، غير أننى وبإيعاز من طارق مصطفى وبفضل من الله من قبل ومن بعد اقتنيت ديوان مصطفى ابراهيم "ويسترن يونيون فرع الهرم" ، والّذى حدث أن صفحاته ذابت بين يدىّ كما يذوب غزل البنات فى الفم، وما أن انتهيت من القراءة حتى بدأت فيه من جديد.. المزايا الغزيرة فى هذا الكتاب المذهل يمكن تلخيصها فى أن القصائد قريبة منك جداً.. تعبر عن أفكارك وأحلامك وم ...more
Sermeen Abdallah
Jan 05, 2012 Sermeen Abdallah rated it it was amazing
اللى خلانى اجيب الديوان انى كنت بشوف مقتفطات منه ع الفيس وكانت بتعجبنى او بس لما جبته بهرنى بجد

قبل ما اتكلم عن الكتاب حابة اتكلم عن الاهداء عشان الاهداء لوحده حاجة تحفة وخلانى اقراه اكتر من مرة
:)

الكتاب بقى متقسم ل 3 اجزاء الاول.. لله
ودا عجبنى جداااا وبعد كل قصيدة كنت بقول الله :)

الجزء الثانى .. للوطن
عجبنى فيها حاجات كتير اوى بس اكتر حاجة عجبتنى " القلب القماش " خصوصا لما بسمعها :)

اما " نهايات مفتوحة " فخلتنى ادمع خصوصا الجزء الاول منها

نيجى بقى للجز التالت والاخير .. للزحمة
برضو فيها حاجات كتي
...more
Radwa Tarek
May 04, 2011 Radwa Tarek rated it it was amazing
علي الاعتراف انه مخذلنيش أبداً
برغم اني متعقدة من الشعر العامي إلا للناس الكبار طبعا
بس حقيقي استمتعت بكل جزء فيه

اسلوب محترم وكتاب راقي

عجبني اوي

القلب القماش..عشان بحب الاغنية اساسا :)
قالولي زمان
ندرت الندر
نفسي اسمع نكتة حلوة
الشرخ الاول
فرط
واللي بعتبرها رائعة"الانسان اصله بالونة"
شباك ازاز
ان تراك
الاجمل دايما هش
وويسترن يونيون
زي الشفرة

والحاجات الصغنتوتة اللي من غير عنواين كانت لذيذة اوي

شابووووووو لمصطفى ابراهيم
ندى الأبحر
Jul 04, 2013 ندى الأبحر rated it really liked it

بدايةً, الإهداء مبهر.. مصطفي إبراهيم بيكتب من قلبه جدًا وبالتالي شعره بيلمس كل قارئ
ومن رأيي ده أهم أسباب إكتساحه الفني, وحب الناس لشعره
وكالعادة قدرت أحفظ جمل ومربعات كاملة بمجرد النظر
..بيقول الشاعر في ديوان المانيفستو

"إضرب بعزمك أو ماتضربشي
إرجع بضهرك.. أو ماتهربشي
إمسك عصاية ثورتك م الطرف"

طب هو مدرك إنه قدر يمسك عصاية الشعر م الطرف؟ هو مدرك إنه قدر يمتلك العصاية ذات نفسها؟
بسمة العوفي
Mar 17, 2011 بسمة العوفي rated it it was amazing
رهييييييييييييب
جميل جدا جدا جدا
ومصطفي موهوب بشكل واضح أوي
ماشاء الله يعني
:D
عجبني فيه حاجات كتير أوي .. كله عجبني تقريبا
أول مره أقرا حاجة تلمسني أوي كده

فتحته في المترو قولت هبص عليه
مسبتوش غير لما خلصته
عميق .. بسيط .. وفي ألفاظ وكلمات جديدة

هقراه تاني أكيد
Mohamed Fawzy
May 04, 2011 Mohamed Fawzy rated it it was amazing
Shelves: شعر
فرأته 4 مرات ورا بعض

و لسه عايز أقرأه تانى

مصطفى بيلعب فى حتة لوحده بعيد عن كل شعراء العامية :)

عبقرى
Che Muhammed
احلى حاجة فى الديوان انه عصرى و بسيط جدا و قصايد كتير .. جدا .. بحس ان انا اللى كاتبها من كُتر ما هى فيا !!
الديوان رائع و يستحق القراية لما يحويه من فن و إلهام و متعة ;) :)
هند
May 25, 2013 هند rated it really liked it
Shelves: 2013-list
إنتَ إزاي كده ؟!!
إزاي الكلمات مطواعة فـ إيدك
للدرجة دي؟!!
لـ تاني مرة أنا البنت اللي مش
بتحب الشعر العامي , بقيت بقرأه
وبستمتع به كمان ! :)

ولـ تاني مرة شآآبوه

في قصاايد عجبتني جدااً زي:
________________________
ع الغارب
نهايات مفتوحة
قالولي زمان
الإنسان أصله بالّونة
مكنتش وصلتلك
شيء يُشبه سلك السماعة
شد حيلك

________________________

أقتبس منه:
* يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن
...more
Muhammed Mahmoud

مصطفى إبراهيم مش مجرد شاعر
دا فليسوف و مفكر و سياسي و شاعر بعد كل دول
مش بيبتذل ولا بيكرر في الكتابة عن التفاصيل
و مش بيسف على نهج شعراء العامية الآخرين اللي اتخذوا من النسكافية و القهوة و حكاويهم مع بنات الجيران ، محور لأشعارهم
الراجل دا بينطق حِكَم مقفاة في معظم أشعاره
اللي لما ببتغنى - زي ما غنتله دينا الوديدي و فرقة مسار إجباري - بتطلع الأغنية جميلة كما الكلمات
....
أنا استمتعت جدًا بكتابه دا و من قبله ديوان المانيفستو
ربنا يكتر من أمثال ذوي الكلمة القيمة أمثال الراجل دا
.
رغَد
Apr 07, 2011 رغَد rated it it was amazing
كذا حاجة مش ينفع يتشالو من شنطتي ولا اروح في حتة من غيرهم أبداً أبداً
المصحف وقلمي الرصاص ونوتي والقطر والمراية وديوان ويسترن يونيون

أما بكون مضايقة أو مبسوطة أو زهقانة بطلع اقرأه يعني في كل حالاتي تقريباً ومش بيتزهق منه أساساً وكل فترة تلاقيه بيوحشك

هو عبقري وكل قصيدة منه بتلمس حاجة جواك آوي
مشكلته الوحيدة معايا انه صغنتوت آوي بقي
:(

<3

مش قادرة استني الديوان الجاي :)

Karim
Jun 04, 2012 Karim rated it it was amazing
اول تجربه ليا فى الكتب ال بيكون محتواها شعر بس
كنت فاكر ان الموضوع هيبقى ملل ! كلام مفخم وواحد بيتكلم عن حاجه تخصه وبتاع

ولأن الناس كانت بتشكر ف الكتاب هنا , قولت اجرب
وفعلا تفاجئت بالمحتوى بصراحه ,,
كتاب جميل جدا ^^
Marwa Khattab
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير …
حسين العُمري
Feb 13, 2014 حسين العُمري rated it it was amazing
برغم موقفي من العامية إلا أن هذا الديوان بعاميته المصرية الجميلة القريبة من القلب وعفويته الرائعة الآسرة المدهشة جعلني أضعه في مدرسة العم أحمد فؤاد نجم في سلاسته وبساطته وجمالياته ،، ديوان بديع من قلب مصر العظيمة الولادة وخاصة في بداية الديوان حيث وضع الشاعر هذا الإهداء البديع


إهداء إلى أمي....اللي عرّفتني ع الكتب وبعدين معرفتنيش
إهداء إلى بحر إسكندرية اللي نفذ الجريمة الكاملة
إهداء إلى أختي مها بالدم....و لبقية أخوتي ف الهم
إهداء إلى أبويا اللي بالصدفة البحتة يبقى أخو أمي
وأول من آمن بي من الرجا
...more
Amir Lewiz


البعض يجيدون التعبير عن المشاعر و كتابة الخواطر
و غيرهم يجيد مجرد" نظم" القصائد

لكننا هنا نجد شاعر موهوب يجيد الاثنين و له طابع مميز .. بعيد عن التكلف
____________________
الديوان الأول لمصطفي ابراهيم

كتب قبله كلمات العديد من الأغاني
يا غنوة ما بتكملش - نشبه لإيه- برغم إن الكلام ع الحب من نظرة كلام متعاد

و عمود " درج القاهرة " في جريدة التحرير كان ينشر به بعض أشعاره القصيرة
____________________

العديد من قصائد هذا الديوان تحولت لأغاني منها :


–كانت هتفرق في الوداع أحمد مكي

القلب القماش محمد محسن
...more
« previous 1 3 4 5 6 7 8 9 next »
There are no discussion topics on this book yet. Be the first to start one »
  • ناقص حتة
  • لزوم ما يلزم
  • حبة هوا...
  • رباعيات صلاح جاهين
  • أحمد فؤاد نجم - الأعمال الشعرية الكاملة
  • أقوال جديدة عن حرب البسوس
  • س 28
  • مجموعة دواوين
  • أبيض غامق
  • جوابات حراجي القط
  • مرسال لحبيبتي
  • حجرتان وصالة: متتالية منزلية
  • قلم بكرش
  • ما تيسر من سيرة الخايفين
  • ترانيم في ظل تمارا
  • يا مصر هانت وبانت
4723295
• شاعر عامية مصري شاب من مواليد محافظة الجيزة 1986
• أنهي دراسته الجامعيه بـكلية الهندسة جامعة القاهرة تخصص هندسة طيران عام 2008
• شارك بـتأسيس العديد من المشاريع الادبيه الشابه مثل "عيش وحلاوة" و"استيجماتيزم"
• قام بالتعاون مع العديد من الفرق الغنائية مثل فريق "اسكندريلا " و فريق "حكايات " وفريق "بركة" وللعديد من المطربين المصريين الشباب مثل المطرب "محمد محسن" و المطربة "مريم صالح " و المطربة " شي
...more
More about مصطفى إبراهيم...

Share This Book



“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
1192 likes
“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
680 likes
More quotes…