إسلام حجي's Blog: معنى السكات

October 20, 2014



انا كل حاجة .. حبيتها فيـك
دلوقتي شايفة عكـسهـا
معقولة بتكرهني فيك
ولا حقيقتك ... فجأة كشفت نفسـها

طول عمري خايبة في الوشوش
و سهل جدا اتـخـدع
واضحك وانا عايشة الوجع
و يقولوا مال قلبك ؟ واقول .. قلبي ملوش

انا كنت بستنى اما اشوفك .. اشوف في عينك دنيتي
لكن انهاردة شفت نفسي جوا عينـك ميتـة
معقولة انا .. اخترت بايديا اعيش هوايا مُغيـبة
و رضيت لنفسي حد غيري هو يكتب قصتي

سامحـني مش ... قادرة اني اكمِّـل
ومهما حاولت اني اجمِّـل
شكلك بقى .. في عنـيا وَحـْش ..
سامحني مش .. محتـاجـة كِدبك
ابعد منيش عايزة اكـرهـك ..
و بردو مش قادرة احبك
2 likes ·   •  0 comments  •  flag
Twitter icon
Published on October 20, 2014 13:44 • 57 views

June 14, 2014

زي زمان كان نفسي اصحيكي زي زمان
و اقولك .. مش عارف انام
يا تصحي ...
يا تنيميني ..
و آه .. قريت الفاتحة
و آية الكرسي و اﻷذكار
استني.. مقريتش الناس
تفتكري العيب في النوم
و ﻻ العيب في الناس؟

العيب في اﻷحضان ..
كان نفسي اصحيكي زي زمان
 •  0 comments  •  flag
Twitter icon
Published on June 14, 2014 11:58 • 27 views

June 7, 2014


Picky ..
في صنف بني آدمين كدا بيبقى انتقـائي .. هو عادة بيتقال عليه متعـالي و ده مش مضبوط ..
هو مبيبقاش مغرور .. هو بس مسيطرة عليه فكرة جودة الاشياء و الاشخاص ..   

بالبلدي هو مبـ يرمرمش .. و مالوش في " ابو بلاش كـتر منه " ..

لو هو عارف ان ده افضل اللي عندك هيشكرك عليه حتى لو معيوب ..
بس لو قدمتله المعيوب و انت عندك الافضل مش هيحترمك

الناس دي ماشية بميزان .. او بموازين كتير الحقيقة
ميزان عقلاني و ميزان وجداني ..
يعرف يوزن الافعال و يقيمها في المواقف العملية اللي بتقابله كل يوم
و يقيم و يقدر اوي المشاعر اللي تبتقدمله ..

الناس دي مش مغرورة ( للمرة الألف ) ..
و المرات اللي مبتقبلش فيها اللي بيتقدملها .. مبتقبلوش عشان هي عارفه ان اللي قدامها استخسر او بمعنى اصح استرخص .. فبيجي رفضها بمعنى " لأ قِلته أحسن "
.

الانتقائية اسلوب تعامل ميضايقكش ..
من حقه يعرف هو فين بالنسبة لك و يتعامل ع الاساس ده ..
مينفعش تسترخصـه او تسترخصلـه و عايزه يغليك اوي عنده

العدل حلو ..
و الانتقائية صعبة احيانا كتير بس لو متجاوزتش للعليائية .. متبقاش وحشه
 •  0 comments  •  flag
Twitter icon
Published on June 07, 2014 20:06 • 39 views

May 23, 2014


لو بس...!  لو بـس اللي مـات لمـا مـات مـات بجد
او بس اللي بَكـا لمـا بَكـا بكـا بجـد
لو بس اللي اتحكى لما اتحكـى حكى بجـد

كـان اللي نِسـي لمـا نِسـي .. نِسـي بجد
لكـن اللي مات لما مـات .. مـ ماتـش بجـد لآخر قلب في العـايشـ ين
و اللي بكـا لمـا بكـا .. مـ بكـاش بجـد لاخر ضي في الشـايفـ ين
و اللي اتجكى لما اتحكى .. مـ حكـاش بجد لآخـر قصصـه المتحـاشيـن

وعشـان اللي نِسي لما نِسي .. منسيـش بجد
جه اللي عـاش لمـا عـاش .. مـ عاشِّي جـد
#اسلام_حجي
 •  0 comments  •  flag
Twitter icon
Published on May 23, 2014 00:20 • 26 views

May 18, 2014

 مـوت ع الهَـدا
أوحـش حاجة في السـكـوت
إنّـهُ مـوت
ع الهَـدا
واحدة ..
واحـدة
زي النَـدا
على خـد وردة
مؤمنة إنّ اكتمـال الربيـع
سِفـرْ الـخـروج
باب للخـريف
و إن الجمـال خِـدعة
لو تحب نذيع ..
نـذيع زي الحَمـَل
عـلى قـد ما بيكـون وَديـع
بيكون عبيط
و الديب ساعتها يكون وضيـع مبدأ تكـافؤ للفـرص
بين الكـرامة
و غـارميـهـا و غـانمـيها م الحـرس زي الحمـامة في القَـفَـص
ساكـتة
والف ريشة تسرِد القِصة القديمة
مين اللي قصقـص جنـاح الصـُبح ؟
مين اللي قَـفـل الشيش ..سا عة الدَبـح ؟
و الف عيـن تفرح ..
و هي تبكي على نـاي النَـفَس الحـياة .. وجهـة نـظر
و الحـب .. نظرة في جـِهة الحـياة
و حـب الحيـاة .. نظـرة إلى " وجـه القمـر
#إسلام_حجي
 •  0 comments  •  flag
Twitter icon
Published on May 18, 2014 12:48 • 33 views

May 16, 2014

انت   
انتَ سِكـة فيها 100 صاحـب جـدع
بتحـبهم ..
و بيـرحـلوا ..
و بيتركوا ملـيون وجـع

انت بيت .. مليان صـور
ع الحـيطان .. وفي الدِمـا
انت دوشـة .. ذكـريات
انت صَـرْخـة .. و همـهمـة
انت آخـر عنـدليـب ..
باح بـ نوحـه للسمـا

انت ضِحكـة شـارحة كل آهـات ماضيـك
انت تِلـت اخيـر في ليلة مؤلمة ..

انت اول فرحـة لامـك
انت آخـر صـبر ابوك

انت عشم اللي أحَـبَـك
وانت غيبة اللي اغتـابوك

انت زي مانت حـلو
أو وحـش
لا اللي سابو هيرجـعوا
ولا اللي حبـوا .. هيسيبوك
#إسلام_حجي
 •  0 comments  •  flag
Twitter icon
Published on May 16, 2014 05:34 • 30 views

May 15, 2014


بـدون مـكـيـاج


حِـلي ضِـفايـر الـحُـزن

خـلي صـبـاح الفـرح

يُـمـر بين شَـعرك



زيـحي ستـاير اللـيل
و اتنفسي م الضِـي
خلي الضيا يـا صبية
يـصَّـفِي عكـار صبرك قلبـك إزاز بَـلـور اسم الله فيه محـفور صـاينـك بقى و جـابرك محـتاجـة ليه للنـاس علشـان يقـولوا:.. حـلوة؟ حـلوة بدون ما يقولوا و أحـلى من جـوا حـلوة كمـا إنتي حـلوة بـدون مكـياج حـلوة بـدون ألـوان حـلوة كمـا غـنوة قُـلتـيها .. يصحـى الصُبح قلتـيها .. يغــفـى الجَـرح قلتـيها للـدنـيا... الـدنـيا تبان حـلوة نـسمـة هـوا فـ أيـلول لمـسة دفـا بتـقول كل غـرام اتـقال بدون كـلام في الـحُـب شمـعة في عِـز الـليـل نـغمـة مـعـاهـا تمـيـل الـروح في حُـضن الـقلـب هو دا إنـتـي حـلوة بـدون مـكـياج حـلوة بـدون ألـوان حـلوة كمـا (إنــتـي) • لــ: #إسلام_حجي 
 •  0 comments  •  flag
Twitter icon
Published on May 15, 2014 14:12 • 25 views

May 13, 2014

ينفع اصغر..؟؟
تعرف يارب ..
كانوا بيقولولي لما تكـبر .. تشتري
لما تكـبر .. تمتـلِك
لما تكـبر تنتـزع حق الغِـنى

طيب يارب لو فرضنا ليّا حق الاختـيار

ينـفع اصـغر .. و اشتـهي؟
ينفع اصـغر .. و اشتـِرك
في كورال بيتنـفس غُنـا ؟!#إسلام_حجي
18 likes ·   •  5 comments  •  flag
Twitter icon
Published on May 13, 2014 13:52 • 366 views

May 12, 2014


معنى السكات 

يـا ربنـا ..
مش كل حاجة في قلـبنـا
نعرف نقولها لوحدنـا

إزاي اقول كلمة بحـبـِك
من غير ماتطـلع شبه الكـلام إيــااه
إزاي امنـحها من روحي
فتمنحني من حياتـها .. حيــاه

يا ربنـا ..
ازاي اسكت ..
و متقولشي : " ده مش مهتـم "

وازاي افتحلها حضني
ومتقولشي .. "ياواد اتـلم "

يا ربنـا
ازاي من غير م نكـسفـها
ابصـلهـا .. و تتمـادى اوي البُـصـة

و ازاي من غير ما تكسفني
اقول حـبيــت ..
تقول حـاسّـة

يا ربنـا
أنا هـ ارتجـل ..
هـ اسكت اوي او اقـول قلـيل
وانت الكبيـر
وصَّـلـ ها معنى السُكـات
#إسلام_حجي
 •  0 comments  •  flag
Twitter icon
Published on May 12, 2014 12:23 • 48 views
ياربنـا ..
ياربنـا ..
نفوس الخـلق لوامـة على غيـرهـا
ياريتها تكفي شـرَّها خـيرهـا
تسيب الروح اللي تاهت منهـا خطـوتهـا
تروحـ لك شايله على ايديهـا خطـيئتـها

وتـرمـي تُقـْلـها كُـلّه ..
على عَـتَبـَك ..
ابـن مـين القـلب اللي ..
نَوَّره عَـتَبـَك ..
فـ داق طعم الهـروب م الضِيـق
و قام إليـك .. يهـرب
#إسلام_حجي
6 likes ·   •  0 comments  •  flag
Twitter icon
Published on May 12, 2014 12:11 • 138 views

معنى السكات

إسلام حجي
يـا ربنـا ..
مش كل حاجة في قلـبنـا
نعرف نقولها لوحدنـا

إزاي اقول كلمة بحـبـِك
من غير ماتطـلع شبه الكـلام إيــااه
إزاي امنـحها من روحي
فتمنحني من حياتـها .. حيــاه

يا ربنـا ..
ازاي اسكت ..
و متقولشي : " ده مش م
...more
Follow إسلام حجي's blog with rss.